Իրավական նախաձեռնությունների կենտրոնը և Հանրային քաղաքականության ինստիտուտը Հունիսի 1-ի՝ երեխաների պաշտպանության միջազգային օրվա առթիվ ՀՀ ԱՆ «Աբովյան» ՔԿՀ-ին են տրամադրել «Ճանապարհային երթևեկության անվտանգության կանոնները մեր կյանքում» գրքույկներն ու «Երթևեկենք անվտանգ» սեղանի խաղը:
Ներկայումս հիմնարկում են գտնվում անչափահաս կալանավորվածները և մինչև 3 տարեկան երեխաները՝ իրենց ազատազրկված մայրիկների հետ:
Առհասարակ նման նախաձեռնությունները շատ կարևոր են, քանի որ նպաստում են ազատազրկման ընթացքում երեխաների արդյունավետ զբաղվածության ապահովմանը և նրանց գիտելիքների բարելավմանը:
Օրինակ՝ «Երթևեկենք անվտանգ» սեղանի խաղը հետաքրքիր ժամանցի միջոցով սովորեցնում է ճանապարհային երթևեկության նշանները, հետիոտնի, հեծանվորդի և վարորդի անվտանգ վարքագծի կանոնները:
Այս խաղի միջոցով ազատությունից զրկված երեխաները կսովորեն երթևեկության կանոնները, ինչը կօգնի ազատության մեջ գտնվելու ժամանակ խուսափել ճանապարհատրանսպորտային խախտումներ կատարելուց:
Ճաղերից այն կողմ հայտնված երեխաներին նույնպես պետք է ուշադրության արժանացնել և ժպիտներ պարգևել:
