2022 թվականի հուլիսի 1-ից ուժի մեջ է մտնում ՀՀ նոր քրեակատարողական օրենսգիրքը, որով նախատեսված են մի շարք առանցքային փոփոխություններ և նոր կարգավորումներ:
Այս համատեքստում դատապարտյալների իրավունքների իրացմանն առնչվող խնդիրները և դրանք կարգավորող օրենսդրական նոր լուծումները քննարկելու նպատակով 2022 հունիսի 7-ին տեղի ունեցավ «Նոր տեսակի քրեակատարողական հիմնարկներ» թեմայով կոնֆերանս, որին մասնակցում էին քաղաքացիական հասարակության և պետական շահագրգիռ կառույցների ներկայացուցիչները:
«Իրավական նախաձեռնությունների կենտրոն» ՀԿ-ի նախագահ Նարե Հովհաննիսյանը ևս մասնակցեց կոնֆերանսին՝ ներկայացնելով նախագծի վերաբերյալ իր դիտարկումները:
Քննարկումը կազմակերպվել էր «Աջակցություն դատաիրավական բարեփոխումներին» ծրագրի շրջանակներում՝ Եվրասիա համագործակցություն հիմնադրամի աջակցությամբ:
