«Վերաինտեգրման ուղիներ. հզորացում սոցիալական ներառման միջոցով՝ հանուն կայուն ապագայի» դրամաշնորհային ծրագրի թիմն աշխատանքային հանդիպում է ունեցել ՀՀ ԱՆ պրոբացիայի ծառայության Շիրակի մարզային մարմնի պետի՝ Թադևոս Վարդանյանի և աշխատակիցների հետ՝ քննարկելու համար ծրագրի առաջընթացը և այն հարցերը, որոնք ծագում են իրագործման ընթացքում։
Աշխատակիցների և ծրագրային թիմի անկաշկանդ քննարկումը հնարավորություն է տվել կենտրոնանալ երկուստեք առկա խնդիրների վրա՝ մասնագիտական ռեսուրսներին առնչվող հարցերից մինչև մասնագիտական աջակցություն, համատեղ վերլուծել դրանք և դիտարկել լուծման տարբեր ուղիներ։
Հանդիպումը դարձել է նաև արդյունավետ երկխոսության հարթակ, որտեղ կողմերը հնարավորություն են ունեցել ծանոթանալ միմյանց փորձառությանը։
Հանդիպման ավարտին ծրագրային թիմը վերահաստատել է իր պատրաստակամությունը շարունակելու սերտ համագործակցությունը Պրոբացիայի ծառայության Շիրակի մարզային մարմնի հետ։ Մասնավորապես, պայմանավորվածություն է ձեռք բերվել ծրագրի ավարտին ամփոփիչ աշխատանքային հանդիպում կազմակերպել, ինչը թույլ կտա ոչ միայն ամրապնդել մասնագիտական կապերը, այլև ապահովել ծրագրի կայունությունը և շարունակականությունը։
