Կազմակերպության մասին
«Իրավական նախաձեռնությունների կենտրոն» իրավապաշտպան հասարակական կազմակերպությունը հիմնադրվել է 2017 թվականին։
Կազմակերպության առաքելությունն է աջակցել այնպիսի իրավական պետության ձևավորմանը, որտեղ մարդը, նրա արժանապատվությունը, իրավունքները և ազատությունները ճանաչված են որպես բարձրագույն արժեքներ:
Կազմակերպության նպատակներն են.
- Նպաստել ժողովրդավարության ամրապնդմանը և քաղաքացիական հասարակության զարգացմանը:
- Խթանել մարդու իրավունքների ապահովման, իրացման և պաշտպանության մեխանիզմների արդյունավետ իրականացումը:
- Աջակցել մարդու իրավունքների ոլորտում պետության ստանձնած միջազգային պարտավորությունների պատշաճ իրագործմանը՝ տեղական և միջազգային մակարդակով ջատագովելու միջոցով։
- Նպաստել օրենսդրության և դատաիրավական համակարգի կատարելագործմանը և զարգացմանը:
Կազմակերպության գործունեության սկզբունքներն են.
- Օրինականություն
- Խտրականության բացառում
- Բարեխղճություն
- Անդամների շահերի ընդհանրություն
- Անդամության կամավորություն
- Ինքնակառավարում
- Հաշվետվողականություն:
Կանոնադրությամբ սահմանված նպատակների իրագործման համար Կազմակերպությունն իր առջև դնում է հետևյալ խնդիրները.
- Իրականացնել դասընթացներ, հանրային միջոցառումներ, մշտադիտարկումներ, օրենսդրական, իրավական և սոցիոլոգիական հետազոտություններ ու վերլուծություններ, քննարկումներ, իրավական, հոգեբանական և սոցոլոգիական խորհրդատվություններ հրապարակումների, ենթադրամաշնորհների տրամադրման և օրենքով չարգելված գործունեության այլ տեսակների միջոցով:
- Համագործակցել ինչպես ՀՀ պետական և ոչ պետական մարմինների, այնպես էլ անհատ անձանց հետ, նաև արտերկրի կազմակերպությունների և անհատների հետ:
Կազմակերպության գործունեության առանցքում քրեակատարողական և պրոբացիայի ոլորտների զարգացումն է, ազատազրկված անձանց և պրոբացիայի ծառայության շահառուների իրավունքների պաշտպանությանը և վերասոցիալականացմանը նպաստելը։ Այս համատեքստում Կազմակերպության կողմից իրականացված ծրագրերն ուղղված են եղել ազատազրկված անձանց վերասոցիալականացման հիմնախնդիրների, նրանց աշխատանքի և կրթության իրավունքի իրացման խոչընդոտների, քրեակատարողական հիմնարկներում սեռական կողմնորոշման և գենդերային ինքնության հիմքով խտրականության դրսևորումների, համավարակի պայմաններում պրոբացիայի կին շահառուների և ազատազրկված կանանց կարիքների ուսումնասիրությանը:
Իրականացված ծրագրերը միտված են եղել նաև քրեակատարողական հիմնարկների սոցիալական աշխատողների, հոգեբանների և բուժանձնակազմի մասնագիտական հմտությունների զարգացմանը, ազատազրկված կանանց հետ տարվող աշխատանքներում մասնագիտական տարբեր խմբերի կողմից գենդերազգայուն մոտեցումների և սկզբունքների կիրառելուն, ազատազրկված անձանց և պրոբացիայի շահառուների ազատազրկված անձանց և պրոբացիայի ծառայության շահառուների սոցիալական ինտեգրմանը, նրանց տնտեսական հզորացմանը, ստեղծագործական ներուժի զարգացմանը, մասնագիտական և աշխատանքային հմտությունների բարելավմանը, նրանց նկատմամբ հանրության վերաբերմունքի փոփոխությանը:
Ծրագրերի շրջանակներում Կազմակերպությունը հասցեագրել է նաև քրեակատարողական համակարգի գնահատումը գենդերային զգայուն լինելու տեսանկյունից, քրեակատարողական համակարգում գենդերային զգայուն քաղաքականության, ինչպես նաև քրեակատարողական և պրոբացիայի համակարգում համավարակներին գենդերազգայուն արձագանքի մեխանիզմների մշակման և ներդրման ջատագովությունը։
