ԱՄՆ պետքարտուղարության Ժողովրդավարության, մարդու իրավունքների և աշխատանքի բյուրոն հրապարակել է 2023 թվականի մարդու իրավունքների վերաբերյալ զեկույցը (հասանելի է անգլերենով):
Ըստ զեկույցի՝ դեռևս մտահոգիչ է մարդու իրավունքների վիճակը քրեակատարողական հիմնարկներում՝ կապված դրանց շենքային պայմանների, առողջապահական և հոգեբանական ծառայությունների հասանելիության, ԼԳԲՏ անձանց նկատմամբ վերաբերմունքի, հիերարխիկ հարաբերությունների և քրեական ենթամշակույթի հետ։
- Չնայած վերանորոգումներ կատարելու՝ կառավարության ներդրած ջանքերին, արձանագրվել են շենքերի նվաստացուցիչ պայմաններ։
- Կալանավորվան՝ որպես խափանման միջոցի մեծածավալ կիրառումը հանգեցրել է գերբնակեցման, թեև ներդրվել են ազատազրկմանն այլընտրանք հանդիսացող խափանման միջոցներ։
- Հիերարխիկ հարաբերությունների հետ կապված խնդիրները դեռևս առկա են, թեև նախատեսվել է քրեական պատասխանատվություն։
Ինքնավնասումների հետ կապված իրավիճակը շարունակում է մնալ նույնը, ինչը կապված է առողջապահական և հոգեբանական ծառայությունների դժվար հասանելիության հետ, թեև ներդրվել է ինքնավնասումների և ինքնասպանությունների ռիսկի գնահատման գործիքակազմ։
ԼԳԲՏ անձինք դեռևս առերեսվում են խտրականության և բռնության։
Վարչակազմը թերանում է վատ վերաբերմունքի հետ կապված դեպքերի արդյունավետ քննության հարցերում։
