«Իրավական նախաձեռնությունների կենտրոն» ՀԿ-ն 2021թ. հուլիսի 14-ին համագործակցության հուշագիր է կնքել ՀՀ ԱՆ Պրոբացիայի ծառայության հետ:
Հուշագրի նպատակն է երկուստեք համախմբել ուժերը՝ պրոբացիայի շահառուների համար վերասոցիալականացման ծրագրերի իրականացման, պրոբացիայի ծառայողների մասնագիտական հմտությունների զարգացման և այլ կարևոր գործողությունների ուղղությամբ:
Ներկայումս «Իրավական նախաձեռնությունների կենտրոն» ՀԿ-ն արդեն իսկ արդյունավետորեն համագործակցում է՝ իրականացնելով «Պրոբացիայի կին շահառուների հզորացում՝ հանուն կայուն ապագայի» դրամաշնորհային ծրագիրը, որը ֆինանսավորվում է Հայաստանում կանանց հիմնադրամի կողմից:
