ԼԳԲՏ հպարտության ամիսը նշվում է ամեն տարի հունիսին՝ ոգեկոչելու 1969 թվականի Սթոնվոլյան շարժումը։ Տոնակատարության նպատակն է հասնել լեսբի, գեյ, բիսեքսուալ, տրանսգենդեր և սեռական ու գենդերային բազմազան այլ անձանց համար հավասար արդարադատության և հավասար հնարավորությունների։ Հպարտության ամիսը հնարավորություն է ևս մեկ անգամ ճանաչելու այն ազդեցությունը, որ ԼԳԲՏ համայնքի անձինք ունեցել են պատմության ընթացքում, գնահատել ձեռքբերումները և առերեսվել մարտահրավերներին։
Այս տարի տոնակատարությունը նշվեց նաև ՀՀ-ում ԱՄՆ դեսպան Ն․Գ․ Լին Մ․ Թրեյսիի կեցավայրում կազմակերպված ընդունելության ժամանակ, որին մասնակցություն ունեցավ նաև «Իրավական նախաձեռնությունների կենտրոն» ՀԿ-ի նախագահ Նարե Հովհաննիսյանը։
Նշենք, որ «Իրավական նախաձեռնությունների կենտրոն» ՀԿ-ն հետամուտ է ՔԿՀ-ներում ԼԳԲՏ անձանց իրավունքների պաշտպանությանը և նրանց վերասոցիալականացմանը։
Կազմակերպությունը կատարել է «Ազատազրկված ԼԳԲՏ անձանց հիմնախնդիրները Հայաստանում» հետազոտությունը, որն այս խմբի խնդիրների ուսումնասիրության առաջին փորձն էր։
