2022 թվականի հուլիսի 22-ին և 23-ին «Իրավական նախաձեռնությունների կենտրոն» ՀԿ-ի ծրագրերի ղեկավար Նարե Հովհաննիսյանը և ծրագրերի օգնական Էդգար Մանուչարյանը մասնակցել են «Շահերի պաշտպանություն և քաղաքականության վրա ազդեցություն՝ փակ հաստատություններում Քովիդ-19-ի համատեքստում» թեմայով դասընթացին:
Այն կազմակերպել էր Նիդեռլանդների Հելսինկյան կոմիտեն Covid-19 համերաշխության ծրագրի շրջանակներում:
Երկօրյա դասընթացի նպատակն էր բարելավել կազմակերպությունների հմտությունները շահերի պաշտպանության և հաղորդակցության շուրջ և տրամադրել անհրաժեշտ գործիքներ, թե ինչպես ձևակերպել հաղորդագրությունները Covid-19-ի շուրջ փակ հաստատություններում, մասնավորապես՝ քրեակատարողական հիմնարկներում և հոգեկան առողջության հաստատություններում պահվող մարդկանց համար:
Ձեռք բերված գիտելիքները և հմտությունները կօգնեն կազմակերպել միջոցառումներ և քարոզարշավներ՝ ուղղված ազատազրկված և հոգեկան առողջության խնդիրներ ունեցող անձանց իրավունքների ապահովանը:
Դասընթացը ներառում էր թեմաներ հաղորդագրությունների մշակման, շահերի պաշտպանության գործիքների, գործընկերային ցանցերի ձևավորման, սոցիալական մեդիաների, հաղորդակցության և մասնակիցների կողմից բացահայտված այլ խնդիրների վերաբերյալ: Այն նաև սովորեցրեց, թե ինչպես կարելի է համատեղել ջանքերը՝ նպաստելու համար ուժեղ շահերի պաշտպանության շարժմանը:
Իրավական նախաձեռնությունների կենտրոնը ներկայումս Հայաստանում կանանց հիմնադրամի ֆինանսական աջակցությամբ իրականացնում է «COVID-19-ի ազդեցությունն ազատազրկված և պրոբացիայի ծառայությունում հաշվառված կանանց ու աղջիկների իրավունքների պաշտպանության վրա» ծրագիրը: Դասընթացի ժամանակ ստացած գիտելիքները և հմտությունները կօգնեն` ծրագրի արդյունքների առավել արդյունավետ և հասցեական ջատագովության իրականացման համար:
