ՀՀ ԱՆ քրեակատարողական ծառայության և «Իրավական նախաձեռնությունների կենտրոն» ՀԿ-ի միջև 2022 թվականի ապրիլին համագործակցության հուշագիր է կնքվել:
Համագործակցության շրջանակներում կողմերը պատրաստակամություն են հայտնել համատեղ ջանքեր ներդնել քրեակատարողական հիմնարկների աշխատողների մասնագիտական գիտելիքների, կարողությունների և հմտությունների զարգացմանն ուղղված վերապատրաստումներ իրականացնելու ուղղությամբ:
Հիմք ընդունելով վերոգրյալը՝ «Իրավական նախաձեռնությունների կենտրոն» ՀԿ-ն քրեակատարողական հիմնարկների հոգեբանների և սոցիալական աշխատողների համար մասնագիտական կարողությունների զարգացման դասընթացներ է կազմակերպում: Դասընթացի թեմաներն են՝
- «Մարդու իրավունքներ և խտրականության արգելք»,
- «Սոցիալական աշխատանքի առանձնահատկություններն իրավախախտում կատարած անձանց հետ»,
- «Գենդերազգայուն սոցիալական աշխատանքի առանձնահատկությունները կանանց տարբեր խմբերի հետ աշխատանքում»,
- «Հոգեախտորոշման հմտությունները և ինքնաճանաչման հիմնական սկզբունքները»,
- «Գենդերազգայուն հոգեբանական աջակցության կազմակերպման առանձնահատկությունները»,
- «Ազատազրկման վայրում գտնվող անձանց հետ տարվող հոգեբանական աշխատանքները»:
