Հարգելի լրագրողներ,
«Իրավական նախաձեռնությունների կենտրոն» ՀԿ-ն հրավիրում է լուսաբանելու «Կրթությունը քրեակատարողական հիմնարկներում. մարտահրավերներ և հեռանկարներ» թեմայով կոնֆերանսին, որը տեղի կունենա 2023 թվականի փետրվարի 14-ին՝ ժամը 14:00-17:00-ն, «Իբիս» հյուրանոցի «Արարատ» սրահում:
Կոնֆերանսին հրավիրված են մասնակցելու պետական կառույցների, Հայաստանում դիվանագիտական առաքելությունների, տեղական և միջազգային կազմակերպությունների, շահառու խմբերի և այլ շահագրգիռ կողմերի ներկայացուցիչներ։
Նպատակն է խթանել միջազգային, պետական և տեղական կառույցների համատեղ ջանքերի ներդրումը ազատազրկված անձանց կրթության կազմակերպման գործընթացի արդյունավետության բարձրացման ուղղությամբ:
Ազատազրկված անձանց կրթության իրավունքն ամրագրված է քրեակատարողական ոլորտը կանոնակարգող օրենսդրությամբ: Կրթությունը նաև ազատազրկված անձանց վերասոցիալականացման կարևոր բաղադրիչներից է: Մինչդեռ ազատազրկված անձանց կրթության իրավունքն արդյունավետ ձևով չի իրացվում, ինչը կապված է օրենսդրական, պրակտիկ և մի շարք այլ խնդիրների հետ: Դա ոչ միայն հանգեցնում է ազատազրկված անձանց կրթության իրավունքի խախտմանը, այլև խաթարում է նրանց վերասոցիալականացման գործընթացը՝ մեծացնելով կրկնահանցագործություն կատարելու ռիսկերը:
Կոնտակտային անձ՝ Նարե Հովհաննիսյան
Հեռախոս՝ +374 33 155 300
Էլ.-հասցե՝ [email protected]
Կոնֆերանսն իրականացվում է Եվրասիա համագործակցություն հիմնադրամի կողմից Շվեդիայի Կառավարության աջակցությամբ իրականացվող «Աջակցություն քաղաքացիական հասարակությանը՝ հանուն բարեփոխումների վրա ներգործության» ծրագրի շրջանակում։
