Skip to content Skip to sidebar Skip to footer

Քրեակատարողական ծառայողների վերապատրաստման նոր մոդելի հեռանկարները. հանդիպում ոլորտային հասարակական կազմակերպությունների հետ

Այսօր՝ 2023 թվականի հոկտեմբերի 13-ին, ՀՀ արդարադատության նախարարի տեղակալ Լևոն Բալյանի գլխավորությամբ՝ Ռաուլ Վալլենբերգի անվան մարդու իրավունքների ու մարդասիրական իրավունքի ինստիտուտի (ՌՎԻ) հայաստանյան գրասենյակի և «Իրավական կրթության և վերականգնողական ծրագրերի իրականացման կենտրոն» ՊՈԱԿ-ի հետ համատեղ կազմակերպվել է քրեակատարողական ոլորտում վերապատրաստումներ իրականացնող տեղական և միջազգային կազմակերպությունների հետ հանդիպում:

Հանդիպման շրջանակներում ուրվագծվել է նշված ոլորտին վերաբերող ապագա բարեփոխման տեսլականը՝ վերապատրաստումների ավելի արդյունավետ համակարգման և դրանց շրջանակներում սերտ համագործակցության, ինչպես նաև քրեակատարողական և պրոբացիայի ոլորտի ռազմավարական ուղիների զարգացման, քրեակատարողական հիմնարկներում ծառայության կազմակերպման և վերապատրաստման նոր մոդելի ներդրման համատեքստում:

Ներկաները կարևորել են Արդարադատության նախարարության նախաձեռնողականությունն ու պատրաստակամություն են հայտնել հետագա հանագործակցության համար:

Ամփոփելով հանդիպումը՝ նախարարի տեղակալ Լևոն Բալյանն առաջարկել է հաջորդ հանդիպումը կազմակերպել դեկտեմբերին, որի շրջանակներում կամփոփվի այս քննարկումների արդյունքում նախանշված գործողությունների ընթացքը և կհստակեցվի 2024 թվականի քրեակատարողական ու պրոբացիայի ծառայության աշխատակիցների շրջանում իրականացվելիք վերապատրաստումների շրջանակը:

Հանդիպմանը մասնակցել են Եվրոպայի խորհրդի Երևանյան գրասենյակի, Նիդերլանդների Հելսինկյան կոմիտեի, ԵՊՀ Եվրոպական ուսումնասիրությունների կենտրոնի ներկայացուցիչները, ինչպես նաև «Սոցիալական արդարություն», «Քաղաքացիական հասարակության ինստիտուտ» և «Իրավական նախաձեռնությունների կենտրոն» հասարակական կազմակերպությունների ներկայացուցիչները:

«Իրավական նախաձեռնությունների կենտրոն» ՀԿ-ի նախագահ Նարե Հովհաննիսյանն իր խոսքում կարևորել է նախաձեռնությունը՝ նշելով, որ այն կնպաստի կազմակերպությունների կողմից իրականացվող վերապատրաստման ծրագրերի կայունությանը և շարունակականության ապահովմանը։ Նաև շեշտադրել է ՊՈԱԿ-ի կարողությունների և փորձագիտական ներուժի զարգացման, քրեակատարողական և պրոբացիայի համակարգի հետ ճկուն համագործակցության կարևորությունը։ 

the Kick-ass Multipurpose WordPress Theme

© 2024 Kicker. All Rights Reserved.

Sign Up to Our Newsletter

Be the first to know the latest updates

Whoops, you're not connected to Mailchimp. You need to enter a valid Mailchimp API key.