Միջազգային բանտային բարեփոխումներ կազմակերպությունը հրապարակել է «Քրեական արդարադատության բարեփոխման գործընթացում ներգրավելով սեփական փորձ ունեցող մարդկանց». 10 կետից բաղկացած ծրագիրը, որին գործուն մասնակցություն է ունեցել Իրավական նախաձեռնությունների կենտրոնը։
Ծրագրի կազմմանը նախորդել է «Սեղանի շուրջ նստատեղերի ավելացում» թեմայով կլոր սեղան-քննարկում, որը տեղի էր ունեցել 2024 թվականի մարտի 15-ին։ Նպատակն էր քննարկել Հայաստանում քրեական արդարադատության համակարգի բարեփոխումների հիմնախնդիրները՝ ազատազրկման փորձառություն ունեցող մարդկանց և հասարակական շահագրգիռ կողմերի մասնակցությամբ:
Իսկ նախքան քննարկումն ազատազրկման փորձառություն ունեցող անձանց համար կազմակերպվել է դասընթաց, որն օգնել է զարգացնել նրանց արդյունավետ հաղորդակցության և ունկնդրման հմտությունները։ Բացի այդ, համատեղ ջանքերով քարտեզագրվել են քրեական արդարադատության համակարգի խնդիրները, որոնց անձինք առնչվել են։ Ներկայացվել են բարեփոխուﬓերին ուղղված քայլերը գործնական և ռազմավարական մակարդակներում, որոնք ձեռնարկվել են քրեական արդարադատության շահագրգիռ կողմերից։ Դասընթացի ավարտին մասնակիցները մշակել են քննարկված խնդիրների լուծման հնարավոր ուղիներն ու փոխոխությունները։
Նախաձեռնությանը ներգրավվել է 7 անձ, ովքեր եղել են քրեակատարողական տարբեր հիմնարկներում, ինչպես նաև առնչվել են պրոբացիայի ծառայությանը։ Նրանցից 5-ն Իրավական նախաձեռնությունների կենտրոնի շահառուներն էին։
